पदभ्रमण

पदभ्रमण

मी नुकताच क्लिव्हलंडला जाउन आलो. सुमारे १२०० मैलचे अंतर मी गाडीने दोन दिवसात काटले. इतका मॊठा प्रवास एकट्याने करायचा म्हणजे अंगावर काटा आला होता.
शक्यतो मी माझ्या आयपाँडवर गाणी ऐकतो. पण ह्यावेळी मी तो मित्राला दिला होता.
म्हणुन मग मी मँडीसन लायब्ररीत गेलो आणि काही तबकड्या (सिडी )शोधू लागलो. अ वॊक इन द वुड्स नावाच्या जाड्जूड ध्वनीमुद्रॊत पुस्तकापाशी (Audio Book)थबकलो.
मला पदभ्रमण, गिर्यारोहण, अरण्यवाचन ह्या विषयांमध्ये रुची असल्याने मी ते पुस्तक घेतले आणि निघालो.

गाडी चालवायला सुरवात केली, पहीली तबकडी लावली आणि काय सांगू, क्लिव्हलंड येइअपर्यंत मी ऐकतच राहीलो. नितांत सुंदर!
बिल ब्रायसन नावाचा ब्रिटिश-अमेरीकन पत्रकार आणि त्याचा थोडा विक्षीप्त मित्र स्टिव्ह कँट्स हया अपेलेशीयन ट्रेल (Appalachian trail) हा सुमारे २१०० मैलांचा
रस्ता पदभ्रमण करुन पार केला. त्याचे हे वर्णन आहे. अमेरीकेच्या दक्षीणेतील जाँर्जिया राज्यातुन सुरु करुन उत्तरेत अमेरीका कँनडा सिमेवरील मेन ह्या राज्यापर्यंत ही द्वयी चालत गेली.
त्यचे हे सुंदर वर्णन!

ब्रायसनने तयारी कशी केली, ह्या पदभ्रमणात येउ शकणारया अडचणी, धॊके, ह्याची माहिती. हवामानाची तिव्रता, रस्त्यात भेटलेली माणसे, स्टिव्ह कँट्सचा विक्षीप्तपणा
ह्यचे वर्णन आहे. मग पर्यावरण शास्त्र, हवामान शास्त्र, वन्यजीव, वनस्पतीशास्त्र ह्यांची रंजक माहीती आहे. मधुनच वनखात्याच्या गलथान आणि झाडतोडीला प्रोत्साहन देणारया कारभारावर सडाडुन टिका करतो.

ब्रायसनच्या प्रवासाचे वर्णन ऐकता ऐकता माझा प्रवास कसा झाला कळालेही नाही. आणि माझ्या आवडत्या पुस्तकांच्या यादीत एक भर झाली.